Viktige næringsvegar Jordbruk, skogbruk, reiseliv, handverk, kraftproduksjon og småindustri.
Geografi
Sør-Fron breier seg ut på båe sider av Gudbrandsdalen frå Rondane i aust til Valdres i vest. Nede i dalen renn Gudbrandsdalslågen. Det meste av busettinga ligg her på båe sider av elva. Austsida av dalen har status som nasjonalt verdifullt kulturlandskap
Hundorp
Ligg om lag midt i kommuen, og husar kommuneadministrasjonen. Her finn du også forretningar, bensinstasjon, bank, legekontor, bibliotek, idrettsanlegg, kyrkje, pleieheim, med meir. Garden Hundorp (Dale-Gudbrands gard) er kjent frå Norgeshistoria. Her budde høvdingen Dale-Gudbrand. Her finst fleire store gravhaugar frå vikingtida.
Harpefoss
Tettstad på grensa mot Nord-Fron. Her ligg Harpefossen kraftverk, som utnyttar fossefalla i Harpefossjuvet. Her ligg også Sør-Fron ungdomsskule med fleirbrukshall og badeland. Her er også daglegvarebutikk og andre forretningar. På Rudi gard er det konsertar, teaterforestillingar og kunstgalleri og andre kulturarrangement på sommarstid.
Gålå
Her finst fleire reiselivsbedrifter, daglegvarebutikk, kafear, alpinanlegg, turløyper og hytteområde. Friluftsoppsettinga av Ibsens Peer Gynt ved Gålåvatnet samlar titusener kvar sommar.
Espedalen
Fjellbygda Espedalen ligg langt vest i kommunen, vel 50 km reieseavstand frå kommunesenteret. Her ligg blant anna fleire reiselivsbedrifter. Espedalen var tidlegare innfallsporten til Jotunheimen. På 1800-talet var det nikkelgruver her.
Det er laget ei brosjyre om Sør-Fron kommune, ein nettversjon kan du sjå her:
http://www.visbrosjyre.no/sor-fron/webview/