Feira nye norske statsborgarar
Det siste året har 14 innbyggjarar i Sør-Fron fått norsk statsborgarskap. Laurdag var fire av dei, saman med 120 nye norske statsborgarar og gjester samla til statsborgarseremoni på Lillehammer.
Varaordførar Kristin Vold Lexander representerte Sør-Fron kommune under seremonien.
Kristina Skamsar/Statsforvaltaren i Innlandet
Seremonien blir arrangert av Statsforvalteren i Innlandet og markerer overgangen til fullt medlemskap i det norske fellesskapet. Varaordførar Kristin Vold Lexander representerte Sør-Fron kommune under seremonien.
Ei høgtideleg markering
Under seremonien vart dei nye statsborgarane ønskte velkomne av ordførarar frå kommunane, representantar frå Statsforvalteren i Innlandet og dagens hovudtalar, Sissel Skjervum Bjerkehagen, redaktør i Oppland Arbeiderblad.
I talen si oppmoda Bjerkehagen dei nye statsborgarane til å engasjere seg i lokalsamfunna sine og bruke moglegheitene som følgjer med statsborgarskapet.
Nye statsborgarar i heile Innlandet
Frå august i fjor til august i år har Innlandet fått 1 298 nye statsborgarar frå 94 ulike land. Dei er busette i alle dei 46 kommunane i fylket.
Seremonien på Lillehammer baud på både musikkinnslag og personlege historier frå nokre av dei nye statsborgarane, som fortalde om kvifor dei valde å busetje seg i Noreg og kva statsborgarskapet betyr for dei og familiane deira.
Sør-Fron kommune gratulerer alle dei nye norske statsborgarane med statsborgarskapet.
Les meir om seremonien hos Statsforvaltaren i Innlandet.
Kristina Skamsar/Statsforvaltaren i Innlandet
Kristina Skamsar/Statsforvaltaren i Innlandet
Publisert av Bjørn Kjellsson Sletten
Publisert 18.11.2026 13.16
Sist endret 18.11.2026 13.16