Nå opnar vi Dagsturhytta i Sør-Fron

Laurdag 5. desember kl. 12.00 inviterer Sør-Fron kommune til offisiell opning av Dagsturhytta.

Dagsturhytta vår er nå endeleg klar til bruk. Hytta er ein del av satsinga Dagsturhytta Innlandet, der alle kommunane i fylket får si eiga dagsturhytte som skal stimulere til meir friluftsliv og bruk av nærnaturen. 

Dagsturhytta er plassert innafor Pyntaberget og ligg tilgjengeleg via merka sti. Målet med prosjektet er å skape eit lågterskel turmål og ein møteplass ute i naturen, til glede for både fastbuande og tilreisande.

Førebels program for opninga

Kl. 10.00 Avgang frå kommunehuset for dei som ønskjer å gå heile vegen til hytta. 
               (Avstand frå her og inn til hytta er 6 km)

Kl. 11.00 Avgang frå parkeringa ved Pyntaberget. (Avstand frå her og inn til hytta er 2,1 km)

Kl. 12.00 Offisiell opning ved dagsturhytta:

  • Opningstale ved ordføraren
  • Snorklypping
  • Kaffe og kringle

Alle er velkomne, og vi oppmodar alle som har høve til det om å ta turen og vere med på markeringa.

Eit nytt turmål i Sør-Fron

Kommunestyret vedtok i 2021 å delta i dagsturhytteprosjektet. Målet har heile tida vore å etablere eit lett tilgjengeleg turmål som kan brukast av folk i alle aldrar gjennom heile året.

No er hytta på plass, og vi håpar mange vil finne vegen hit i åra som kjem.

Vel møtt til opning laurdag 5. desember!