Høyring av forskrift om politivedtekt for Sør-Fron kommune

Ei politivedtekt er eit lokalt regelverk for ein kommune for å regulere lokale forhold der formålet er å oppretthalde ro og orden, og sørge for tryggleik på offentlege stader i kommunen. Vedtektene skal gis for kvar kommune etter heimel i politiloven § 14, som seier kva for reglar politivedtektene skal innehalde. Kommunen kan ikkje gi regler i politivedtekter som er dekt av anna lovverk.

Kommunestyret skal vedta nye politivedtekter og etterpå skal Politidirektoratet stadfeste dei.

Formannskapet vedtok i møte 7. oktober 2025 å leggje forslag til ny forskrift om politivedtekt for Sør-Fron kommune ut på høyring med ein høyringsfrist på seks veker.

Forslaget finn du her: Forslag til nye politivedtekter

Send høyringsinnspel til postmottak@sor-fron.kommune.no eller per post til Sør-Fron kommune, Kommunevegen 1, 2647 Sør-Fron innan 1.desember 2025.