Det er ein ambisjon at Sør-Fron kommune skal ha ein kulturminneplan som omfattar heile kommunen og alle tidsepokar.
Kulturminne er ei viktig kjelde til kunnskap om vår fortid og historie. Sør-Fron kommune har ein stor og rik kulturarv med kulturminne med både lokal, regional og nasjonal kulturminneverdi. Føremålet med kulturmiljøplanen er å styrka kulturminnevernet i kommunen, og sikra og gjera kjende dei viktigaste kulturminneverdiane.
Målsetjingane med planen er:
- At den skal brukast i den kommunale forvaltninga i arbeid med arealplanar, reguleringsplanar, formidlingstiltak og anna
- Å auke kunnskapen og forståinga av kulturminna i kommunen
- Gje grunnlag for formidling og synleggjering av utvalde kulturminne og -miljø.
Her kan du lese oppstartsnotatet som skildrar innhald og vidare planprosess. (PDF, 619 kB)
Fyrste del av planen skal ta utgangspunkt i Gudbrandsdalsmusea sin rapport (med førearbeid) frå 2018, der tema er Setermiljø og kulturminne i utmark.
Vedlegg 1: Rapporten frå Gudbrandsdalsmusea (PDF, 8 MB)
Vedlegg 2: Samla oversyn over kartlagde setre i Sør-Fron (PDF, 9 MB)
Vedlegg 3: Tilråing frå Gudbrandsdalsmusea 2018 (PDF, 204 kB)
Har du innspel?
Frist for å kome med innspel til planprosessen ved varsel om oppstart er 21. august 2023.
Innspel kan sendast på e-post til postmottak@sor-fron.kommune.no eller til Sør-Fron kommune, Kommunevegen 1, 2647 Sør-Fron.
Kontaktperson for arbeidet:
Tenesteleiar for kultur og kommunikasjon, Bjørn K. Sletten
E-post: bjorn.sletten@sor-fron.kommune.no
Telefon: 974 71 997